Joao Cancelo do të largohet nga Manchester City pas një përplasjeje në terren me Pep Guardiolën. Mbrojtësi i krahut, i cili pritet t’i bashkohet Bayern Munich në formë huazimi, thuhet se ka reaguar me zemërim pasi mësoi se nuk do të ishte në formacionin fillestar për ndeshjen e Cityt në FA Cup me Arsenalin të premten mbrëma.
Cancelo ka luajtur mjaft pak në javët e fundit dhe është bërë toksik për skuadrën ndërsa marrëdhënia e tij me Guardiolën u përkeqësua gradualisht pas Kupës së Botës. 28-vjeçari portugez kërcënoi të largohej nga klubi dhe e tillë ishte ashpërsia e situatës, City i dha dritën jeshile Cancelos për t’u larguar pasi ai solli në tryezë një ofertë huazimi nga Bayern…
Kampionët e Gjermanisë kanë mundësi ta nënshkruajnë atë për 61 milionë sterlina në fund të sezonit, pra 70 mln euro. Marrëdhënia e tij me Guardiolën ka qenë e tensionuar, por ka arritur pikën e thyer përpara përballjes me Topçinjtë, të cilën City e fitoi 1-0.
City tani po kërkon një zëvendësues dhe humbja e një anëtari kryesor të skuadrës me mbylljen e merkatos nuk është ideale, por të brendshëm të klubit kanë zbuluar se ata kanë mbetur me pak mundësi. Cancelo ka pasur diskutime të nxehta me Guardiolën dhe ka nisur titullar vetëm tre nga 10 ndeshjet që kur u kthye nga Boterori në Katar.
Marrëveshja që ai të nënshkruajë një kalim në Allianz Arena duket se e lë Cityn pa mbrojtje mbrojtëse, por burimet e klubit janë të bindur se ata kanë mjaft nëse një zëvendësues nuk arrin para afatit.
Nathan Ake ka performuar në mënyrë të shkëlqyeshme në krahun e majtë të mbrojtjes javët e fundit dhe po shijon një sezon të shkëlqyer, ndërsa i riu Sergio Gomez ka bërë 12 paraqitje që kur u bashkua nga Anderlecht. Aymeric Laporte mund të plotësojë ate nevoje nese kerkohet.
Por kampionët e Premier League janë vazhdimisht në kërkim të një mbrojtësi të majtë tradicional. City zgjodhi te mos paguante klauzolën e lirimit prej 42 milionë sterlinash të Ben Chilwell kur ai u largua nga Leicester për te Chelsea në vitin 2020, por mund të rikthehej e interesuar per anglezin pasi refuzoi të përmbushte vlerësimin e Brighton për Marc Cucurella verën e kaluar.
Kontrata e Benjamin Mendy është vendosur të skadojë gjatë rigjykimit të tij për dy akuza për dhunë seksuale, për t’u dëgjuar në Chester Crown Court më 26 qershor. Mendy mbetet i pezulluar nga City dhe duket se nuk do te luaje me sivjet.
