Në Paris ka nisur numërimi mbrapsht dhe në prag të javës që do të çojë në hapjen e Lojërave Olimpike, organizatorët nënvizojnë se “presioni po rritet”. Më 26 korrik, ditën e ceremonisë së hapjes në lumin e Senës, moti do të jetë me diell ashtu si për pjesën tjetër të muajit, garantojnë ekspertët.

“Ne jemi gati për këtë shtrirje përfundimtare. Rritet presioni para ceremonisë së hapjes e cila do të jetë e jashtëzakonshme dhe me shumë guxim”, tha presidenti i komitetit organizativ, Tony Estanguet. Sena është nën kontroll dhe pas miratimit për larje rrjedha e lumit është në nivelin e duhur për të lejuar që ceremonia të zhvillohet pa probleme.

“Të gjithë treguesit janë të gjelbër për sa i përket Senës“, shtoi Estenguet. Lumi që ka tërhequr operacionet më të mëdha: njësitë e qenve dhe grupet speciale po punojnë ditët e fundit për të inspektuar të gjitha varkat përgjatë Senës për një operacion të cilësuar si kolosal.

Nga 6,000 deri në 7,000 atletë, që përfaqësojnë kombet pjesëmarrëse, do të duhet të parakalojnë me 85 varka. Rreth 3,000 kërcimtarë, muzikantë dhe aktorë do të pushtojnë dy brigjet dhe urat, përgjatë një rruge prej 6 kilometrash. Megjithatë, ka një fshehtësi të madhe në lidhje me shfaqjen e hapjes.

Për sa i përket sigurisë, Ministri i Brendshëm, Gerald Darmanin, deklaroi se “nuk ka asnjë kërcënim të dukshëm në lidhje me Lojërat”. Qyteti, megjithatë, tashmë është i mbyllur dhe aksesi u lejohet vetëm atyre me akreditim ose atyre që tregojnë një kod specifik QR “Zemra e Lojërave Olimpike”.

Fshati Olimpik po mbushet orë pas ore që nga hapja e saj zyrtare më 18 korrik, duke pritur tashmë 4500 persona nga 9000 që do të vijnë gjatë garave. Sidoqoftë. Presidenti Emmanuel Macron dhe numri 1 i IOC Thomas Bach do të vizitojnë nesër fshatin përpara se të fillojë sesioni i 142-të i ekzekutivit të Komitetit Olimpik Ndërkombëtar.