Milan ka mundur 1-0 Udinese-n në javën e tetë të kampionatit dhe ka kapur përkohësisht Inter-in në renditje.
Ndeshja e luajtur në San Siro është zhbllokuar pas vetëm 13 minutash lojë. Ka qenë Chukëueze që ka kaluar në avantazh skuadrën e Fonseca-s pas një aksioni të bukur individual të Okafor nga krahu i majtë.
MILAN-UDINESE 1-0 – GOLI – VIDEO
Asisti është dhënë nga i përhershmi Pulisic, i cili është i vetmi lojtar në pesë kampionatet kryesore të Europës që është përfshirë në realizimin e një goli në shtatë ndeshje radhazi të kampionatit.
Situata është vështirësuar për vendasit në minutën e 29-të kur Reijnders është ndëshkuar me karton të kuq për një ndërhyrje si lojtar i fundit.
Bardhezinjtë, pas shumë tentativash, kanë arritur të gjejnë golin e barazimit në minutën e 95-të me Kabasele, por që është anuluar për pozicion jashtë loje pas ndërhyrjes së VAR.
