Eliminimi i Norvegjisë në çerekfinalet e Kupës së Botës ka shkaktuar polemika të forta. Në qendër të kritikave është arbitri Clément Turpin, i akuzuar se nuk anuloi golin e parë të Jude Bellingham dhe më pas i anuloi një gol Erling Haalandit.
Momenti më i diskutuar është barazimi i Anglisë. Pas një rivënieje nga portieri Nyland, topi dyshohet se preku “spider cam”, duke ndryshuar lehtë trajektoren. Anglia rikuperoi topin dhe ndërtoi aksionin që solli golin e Bellinghamit, i cili më pas realizoi edhe golin e dytë në kohën shtesë.
Babai i Erling, Alfie Haaland, reagoi ashpër në rrjetet sociale: “Vërtet? Ju shpëtoi arbitri. Shpresoj ta fitoni Botërorin, por sot ndihem i vjedhur”.
Në televizion ai shtoi: “Norvegjia u dëmtua nga dy vendime të rënda. Goli i parë i Anglisë nuk duhej pranuar, ndërsa goli i Erling u anulua padrejtësisht. Nëse ky është faull, atëherë gola të tillë do të anuloheshin çdo fundjavë”. Ai kritikoi edhe Alexander Sørloth, duke thënë se në një kundërsulm vendimtar duhej të pasonte, jo të tentonte zgjidhjen individuale.
Really? Saved bye the referee. Hope you win the WC now. But feel we got robbed today. https://t.co/Lplf9uyOzM
— Alfie Haaland (@alfiehaaland) July 12, 2026
