Milan, bëj kujdes! Barcelona synon Rafa Leão. Lajmi është publikuar nga mediat spanjolle, të cilat raportojnë se kampioni portugez është një nga objektivat kryeasorë të skuadrës katalanase.
Sipas gazetës madrilene “Marca”, lojtari i Milanit, shpesh vendimtar kur luan për klubin kuqezi, por që nga fillimi i sezonit ka pasur një marrëdhënie të vështirë me trajnerin e ri Paulo Fonseca, mund të jetë zgjidhja për blaugranët, të cilët hasin vështirësi për të arritur te Nico Williams.
Supozohet se lojtari portugez i është propozuar presidentit të Barçës, Joan Laporta, nga Jorge Mendes. Megjithëse Mendes nuk është agjenti i Leão, ai është një admirues i madh dhe bashkatdhetar i yllit kuqezi.
Megjithatë, pengesë për këtë marrëveshje mbetet vlerësimi i lartë i lojtarit, të paktën 75 milionë euro, bërë nga Milani, i cili nuk dëshiron ta humbasë lehtësisht.
