Nuk do të ketë një ribashkim mes Cristiano Ronaldo-s dhe Jose Mourinho-s, të paktën jo në të ardhmen e afërt.

Në fakt, në ditët e fundit është folur për një transferim të mundshëm të CR7 te Fenerbahce e Special One, por ka qenë pikërisht ky i fundit që ka përgënjeshtruar gjithçka.

“Kush thotë se do të luajë për Fenerbahce-n, ose nuk e di çfarë po shkruan ose është i kënaqur me lajmet qesharake që po përhap”, ka thënë Mourinho.

Trajneri portugez ka dashur të largojë çdo dyshim në lidhje me këtë temë:

“Cristiano mund të vijë në Stamboll për të ngrënë sepse është në qendër mes Arabisë Saudite dhe Portugalisë. Ose mund të marrë avionin privat dhe do të vijë të takojë mikun e tij të vjetër Jose Mourinho, ku mund të hamë në hotelin tim”, ka përfunduar Mou.