Jamal Musiala ka folur në lidhje me përjashtimin e tij nga lista e kandidatëve për Topin e Artë 2024.
21-vjeçari është një nga yjet më të shndritshëm të futbollit europian dhe ka qenë një nga më të mirët në fushë për Bayern-in në ndeshjet e fundit.
Në një intervistë të dhënë kohët e fundit për The Guardian, Musiala tha:
“Do të gënjeja nëse do të thoja se çmimet individuale nuk kanë rëndësi për mua. Mendoj se të gjithë ëndërrojnë të fitojnë një çmim individual.
‘Megjithatë, gjëja më e rëndësishme është se ne patëm një sezon të vështirë vitin e kaluar dhe duhet të bëjmë më mirë në këtë sezon. Objektivi kryesor është të fitojmë trofe dhe çdo gjë tjetër do të vijë në momentin e duhur”, ka thënë Musiala.
