Bashkëpronari i Manchester United, Sir Jim Ratcliffe kohët e fundit pretendoi se klubi më mirë do të nënshkruante yllin e ardhshëm të madh në futboll sesa të paguante shuma të mëdha për të nënshkruar me Kylian Mbappe.

Ratcliffe beson se nuk është më e zgjuar të blesh suksesin dhe fokusi duhet të jetë në zhvillimin e lojtarëve të rinj.

Duke folur për podcastin e Geraint Thomas Cycling Club, Ratcliffe pohoi se Manchester United nuk ishte më i interesuar të nënshkruante lojtarë të konfirmuar duke paguar tarifa dhe paga të larta.

Ai shtoi se fokusi ishte në një merkato të kujdesshme dhe tha:

“Mbappe te Manchester United? Do të përpiqesha të gjeja Mbappen e radhës në vend që të shpenzoja një pasuri duke u përpjekur të blej suksesin.

“Nuk është aq e zgjuar të nënshkruash me Mbappen tani, është më sfiduese të gjesh Mbappen e ardhshëm, Bellinghamin e ardhshëm ose Roy Keane” .

Ratcliffe aktualisht po ristrukturon aspektin e merkatos te Manchester United dhe po riorganizon anën e rekrutimit. Dan Ashworth, drejtori sportiv i Newcastle United, është një nga objektivat kryesorë të Djajve të Kuq dhe bisedimet po vazhdojnë me “Magpies”.