Në prag të finales së Champions League, në Londër u zhvilluar mbledhja e komitetit ekzekutiv të ECA, ku Nasser Al Khelaifi njoftoi “kthimin në familjen e futbollit të Juventus-it”.

Klubi italian, i cili braktisi ECA-n një vit më parë në lidhje me shpërthimin e bombës së Superligës, ka lënë Real Madridin dhe Barcelonën të luftojnë për vetë Superligën.

Vetë Al-Khelaifi gjithashtu la dyert hapur për dy klubet spanjolle:

“Ne po ju presim krahëhapur, duam që të jeni me ne. Superliga? Dy skuadra nuk mund të luajnë 20 ndeshje kundër njëra-tjetrës. Unë kam shumë respekt për të dy klubet, për tifozët e tyre, por nuk ka asnjë kuptim të vazhdojnë me këtë ide.

“Reali ka një histori të madhe në Champions League, ata gjithmonë duan ta fitojnë atë, por pastaj duan ta shkatërrojnë atë. Nuk ka kuptim. Nëse e do atë kompeticion, duhet ta mbrosh. Champions League është shumë e rëndësishme për ne dhe unë mendoj se në fund të fundit është edhe për ta.

“Barça? Mendoj se ata duhet të jenë këtu më shumë se kushdo tjetër, duke pasur parasysh situatën e tyre. Nëse do të isha president, do të kthehesha nesër tek ECA. Laporta është një person i mirë dhe mendoj se ai do të përfitonte më shumë”.