Sulmuesi i Atletico Madrid, Alvaro Morata, ka rrëfyer sot për mediat e vendit të tij se qëndrimi në Spanjë te skuadra “colchoneros” ishte opsioni më i mirë që ai kishte për të ardhmen. “Jam i kënaqur që klubi vendosi të më mbajë, duke paguar klauzolën”, tha Morata.

“E vërteta është se nuk kisha menduar kurrë për idenë që të luajë sërish me Chelsea sezonin tjetër. Ndaj e vlerësoj shumë përpjekjen që bëri Atletico për të më mbajtur. Nuk ishte një transferim i lehtë, por tani gjithçka u mbyll dhe jam i lumtur”, tha Morata.

Sulmuesi 26-vjeçar erdhi në janar tek Atletico Madrid nga Chelsea në formë huazimi me të drejtë blerje, opsion që skuadra madrilene e shfrytëzoi këtë verë. Në 17 ndeshje me fanellën “colchoneros”, sulmuesi spanjoll realizoi 6 gola.