FC Cincinnati, skuadra amerikane e MLS (Major League Soccer) njoftoi nënshkrimin e hollandezit Jaap Stam si trajneri i saj i ri…, por bëri një gafë të pafalshme si fillim. Në njoftimin përkatës, në faqen e tij, klubi amerikan publikoi foton e gabuar në vend të ish-mbrojtësit të shquar të Milanit dhe Lazio në Itali.
Në fakt, ngjashmëria mes të dyve është kaq e madhe, se ky gabim edhe mund të “amnistohet”. Në vend të Jaap Stam-it të vërtetë, në foton e njoftimit të FC Cincinnati ishte një tullac tjetër, po ashtu trajner, Tinus van Teunenbroek. Pavarësisht se duket “fotokopje” e hollandezit, nuk ishte Jaap Stam i vërtetë.
ICYMI: Join us in welcoming our 𝘢𝘤𝘵𝘶𝘢𝘭 new head coach, Jaap Stam. #FCCincy
📰: https://t.co/DP0FEepraD pic.twitter.com/dvLbByeHoC
— FC Cincinnati (@fccincinnati) May 21, 2020
Menjëherë pas kësaj, FC Cincinnati korrigjoi gabimin e vet dhe postoi në Twitter nënshkrimin e Jaap Stam me foton e saktë të tij.
