Rikthimi i James Rodriguez te Real Madridi nuk po rezultaton ashtu siç pritej, pasi kolumbiani po dëmtohet shpesh e luan pak. Sulmuesi detyrohet të ndalet sërish për një dëmtim të rëndë.
Klubi spanjoll bën me dije se futbollisti ka një problem në ligamentin e tij të majtë dhe detyrohet të nisë terapinë. James do të humbasë “El Clasicon”, por dhe muajin dhjetori. Lojtari e ka mbyllur vitin dhe pritet të rikthehet vetëm në 2020.
Trajneri Zinedine Zidane nuk e ka ndër të preferuarit e tij, por sërish shërbimet e kolumbianit duheshin. “Testet mjekësore të kryera sot nga stafi mjekësor i Realit për James Rodriguez diagnostikuan një problem në ligamentin e gjurit të tij të majtë. Rikuperimi do të vazhdojë me stafin mjekësor”, – shkruajnë madrilenët.