Osasuna ka mundur 4-2 Barcelona-n në javën e tetë të La Liga-s.
Hansi Flick ka pësuar humbjen e tij të parë në kampionatin spanjoll pas shtatë fitoreve radhazi.
Për shkak të kalendarit të ngjeshur, trajneri i katalanasve ka lënë shumë prej yjeve të tij jashtë formacionit titullar dhe mungesa e tyre është ndier.
OSASUNA-BARCELONA – GOLAT – VIDEO
Osasuna ka zhbllokuar ndeshjen në minutën e 18-të me Budimir dhe ka dyfishuar avantazhin me Zaragoza-n në të 28-ën.
Në fillimin e pjesës së dytë, në minutën e 53-të, Barcelona ka arritur të ngushtojë diferencat me Pau Victor, i ndihmuar nga një gafë e portierit Herrera.
Pavarësisht aktivizimit nga stoli të Yamal dhe Raphinha, Osasuna ka gjetur golin e tretë me një penallti të Budimir dhe ka realizuar “pokerin” me një super gol të Bretonses.
Barça ka reaguar në minutën e 90-të me një perlë të Yamal.
