Pasi eliminoi Tottenham e Jose Mourinhos dhe pasi duhet të bëjë pa yllin e saj, sulmuesin Timo Werner (ka shkuar te Chelsea), Leizpig do të përballet në fazën çerekfinale të Champions League ndaj Atletico Madrid.
Drejtori sportiv Markus Krösche e komentoi për mediat gjermane kështu këtë përballje: “Atletico është sigurisht skuadra që ka shumë eksperiencë me një trajner të njohur. Eshtë sigurisht një kundërshtar i vështirë, por nuk është asgjë e pazakontë në çerekfinale. Mbrohen mirë prej vitesh dhe shpesh ndërrojnë situatat e lojës. Diego Simeone ka perfeksionuar mbrojtjen me kontrollin e topave. Por, na besoni, do të gjejmë zgjidhje…”.