Chelsea vijon të befasojë këtë sezon në Premier League, duke u renditur në vendin e dytë. Skuadra ka kaluar çdo parashikim, duke treguar lojëra të mira, kjo falë një pune të mirë që ka bërë trajneri Enzo Maresca.

Gjithsesi, ashtu si trajneri, edhe sulmuesi Cole Palmer, lider i ekipit, mendon se skuadra nuk duhet të mendojë për titullin. “E vërtetë, jemi përpara pritshmërive tona për mënyrën se si po luajmë dhe kjo na bën krenar”, u shpreh Palmer.

“Trajneri na thotë gjithnjë se fokusi kryesor është vetëm të shohim se si mund të përmirësojmë lojën tonë ndeshje pas ndeshje. Ne është të vazhdojmë të përmirësohemi dhe të përpiqemi të fitojmë sa më shumë ndeshje”, tha Palmer.

“Kemi një ndeshje të vështirë sot ndaj Fulham dhe ky është objektivi ynë i radhës. Nuk mendojmë për titullin. Jemi ende në dhjetor, shumë shpejt për të bërë llogari. Luajmë e argëtohemi pasi jemi një skuadër me shumë të rinj”, tha Palmer.