Partizani në volejboll për meshkuj ka marrë frenat e Superligës që pas javës së dytë të kampionatit, ndeshjet e të cilit janë luajtur sot.

Të kuqtë, fituan 3-0 në Durrës ndaj Teutës (25-16, 25-14, 25-20), një ndeshje që ishte një formalitet për ekipin kryeqytetas, ndjeshëm superior në të trija setet.

Skuadra e Partizanit udhëheq renditjen me 6 pikë të plota.

Më e bukur ndeshja e luajtur në “Asllan Rusi”, ku Studenti fitoi me vështirësi 3-2 ndaj Skënderbeut (23-25, 25-17,25-15, 18-25, 15-13). Një ndeshje ku loja e të dyja skuadrave ishte me hope, por në fund fituan kryeqytetasit.

Studenti qëndron në vendin e dytë, duke lënë pas pikërisht korcarët, ndërkohë që ndeshja Vllaznia-Elbasani do të luhet më 25 shtator.

Superliga-Meshkuj, java e dytë

Studenti – Skënderbeu, 3-2

Teuta – Partizani, 0-3

Vllaznia – Elbasani, 25 shtator

Tirana (pushim)

Renditja: Partizani 6 pikë, Studenti 5 pikë, Skënderbeu 4 pikë, Tirana 0 pikë, Teuta 0 pikë, Elbasani 0 pikë, Vllaznia 0 pikë.