Trajneri i Manchester Cityt, Pep Guardiola thuhet se ka urdhëruar drejtuesit e klubit që të organizojë një takim me sulmuesin e Bayern Munichut, Jamal Musiala për ta bindur atë të transferohet në Etihad, sipas medias katalanase El Nacional.

Sipas raportit, e ardhmja e Kevin De Bruyne dhe Bernardo Silva në klub është e pasigurt. Belgu është lidhur me një lëvizje në Arabinë Saudite, ndërsa portugezi është një objektiv i Paris Saint-Germain dhe Barcelonas.

Drejtuesit e City-t janë gjithashtu të zhgënjyer me paraqitjet e Jack Grealish këtë sezon pasi anglezi ka vuajtur nga dëmtime të vazhdueshme. Ata tani thuhet se kanë kthyer sytë nga Musiala, i cili ka qenë një nga lojtarët kryesorë të Bayernit në sezonet e fundit.

21-vjeçari ka shënuar 12 gola dhe ka dhënë shtatë asiste në 31 paraqitje në të gjitha ndeshjet. Që nga debutimi i tij me ekipin e parë në vitin 2020, Musiala ka shënuar 43 gola dhe ka dhënë 30 asiste në 156 paraqitje për bavarezët.

Megjithatë, kontrata aktuale e Musialës me Bayernin skadon në fund të sezonit 2025-26. Gjerman vlerësohet aktualisht 110 milionë euro nga Transfermarkt, një shumë që Manchester City mund ta shpenzojë lehtësisht nëse Pep Guardiola dëshiron ta shtojë gjermanin në radhët e tij.