Peruzzi dhe Tare junior, dy djemtë e “shefave” në listën e Champions-it

19 Tetor 2020
13:39
Alfred Lleshi

Për ata që u rritën me futbollin e viteve 1990 dhe dekadën e parë të viteve 2000, të shohin kaq shumë, bëhet e vështirë kujtesa. Sepse po, flokët e bardhë fillojnë të numërohen, nostalgjia sulmon dhe shikon të kaluarën me trishtim. Por “fëmijët e artit” vazhdojnë të shfaqen, të etur për të tejkaluar prindërit e tyre. Pas Chiesa, Di Francesco, Haaland dhe të tjerëve, te Lazio po rriten Mattia Peruzzi dhe Etienne Tare.

Dy të rinj bardhekaltër, të gatshëm për të thënë fjalën e tyre në ekipin kryeqytetas, në Serie A dhe Champions. Të dy, në fakt, u përfshinë në listën e të rinjve për garën më të lartë europiane, në të cilën ekipi i Inzaghi arriti të kualifikohej pas viteve përpjekje të pasuksesshme.

Të dy Tare dhe Peruzzi i vjetër janë pjesë e Lazio, si drejtor sportiv, i pari, dhe menaxher i klubit, i dyti. Fëmijët, Etienne dhe Mattia, janë përkatësisht 17 dhe 18 vjeç dhe nuk është e nevojshme të thuhet: ata kanë të njëjtat role, që i bënë prindërit e tyre të famshëm.

Etienne Tare lindi në Brescia më 2003, kur Igli ishte “kulla” e “dallëndysheve”. I fuqishëm si babai i tij, 192 cm, me një aftësi parësore, që ndodh të jetë ajo e lojës me kokë. Pas një procesi të gjatë me ekipet e të rinjve të Lazio, ai tani përballet me ekipin e parë.

Pasi ka dëmtuar kyçin e këmbës në fillim të tetorit, ai do të duhet të qëndrojë i qetë për disa javë. Megjithatë, është në listën e Lazio për Champions-in, në mënyrë që të jetë gati për një thirrje të mundshme me bardhekaltrit.

Me fanellën e Lazio, Tare i vjetër arriti të luante dy ndeshje në Champions, në sezonin 2007-2008. Futbollisti i ri i familjes ka një karrierë të tërë për ta kapërcyer, duke pasur parasysh që babai nuk ka luajtur ndeshje të tjera në kompeticionin maksimal europian.

Nga ana tjetër, Mattia Peruzzi erdhi në jetë në vitin 2002. I lindur në Romë dhe rritur në ekipet e të rinjve të Blera, para se të bashkohej me Lazio më 2018. Fizikisht i madh si babai i tij, Angelo. Ky i fundit arriti të bëhej një nga portierët më të rëndësishëm në historinë e futbollit.

Football photos and video on Instagram: “Matthias #Sammer, Angelo #Peruzzi and referee Sandor Puhl before the kick-off 1997 UEFA Champions League final #borussi…

Në varësi të mënyrës se si shkon kampionati, një shans për Tare duket i mundur, ndërsa Peruzzi padyshim që “penalizohet” nga roli, me Strakosha dhe Reina që garojnë për portën në gara të ndryshme, ku do të luajë Lazio. Në rastin e parë të dobishëm, megjithatë, ekziston edhe një mundësi për portierin Peruzzi junior.

Nëse Tare i moshuar kurrë nuk ka qenë protagonist në Ligën e Kampionëve, Angelo Peruzzi ka jetuar për një kohë të gjatë në garën maksimale europiane midis Interit, Lazios dhe Juventusit, duke fituar trofeun në sezonin 1995-1996 me fanellën bardhezi.

Për të rinjtë Peruzzi dhe Tare, një gjë mbetet e sigurt: karriera e tërë është përpara, por duhen shkëputur nga mbiemri i rëndë që mbajnë, duke u përpjekur të bëhen protagonist, pa u referuar me prindërit e tyre.

Lajme të tjera

Lajmet e fundit