Philadelphia fitoi 131-123 ndaj Utah jazz, në përballjen mes dy ekipeve kryesuese mes dy Konferencave. Në fund triumfoi Phila, ku u dallua Joel Embiid, autor i 40 pikëve e 19 rebound. Në kahun tjetër, një ndeshje të mirë bëri Mitchell me 33 pikë, por që mbetën për statistikë.
Vijon momenti pozitiv për Brooklyn, që mundi 132-114 Houston. Kjo ishte sfida e parë për James Harden si rival i ekipit teksan, ku luajti 8 sezonet e fundit. Ai bëri diferencën në këtë ndeshje me një tjetër “triple double” (29 pikë, 10 rebound e 14 asist), duke i bërë të pavlefshme 69 piëkt e dyshes Oladipo-Wall për vendasit.
Zhgënjen sërish skuadra e Lakers, që u mund 123-120 nga Sacramento. Mungesa e LeBron dhe Davis u ndie te kalifornianët, ndërsa për vendasit u dallua Hield me 29 pikë. Humbet edhe Golden State, që u mund 108-106 nga Portland (Curry 35 pikë), ndërsa Dallas mposhti 87-78 Oklahoma (Porzingis 19 pikë, 13 rebound).
NBA – Rezultatet e sotme
Cleveland – Indiana, 111-114
Philadelphia – Utah Jazz, 131-123
Toronto – Detroit, 105-129
Houston – Brooklyn, 114-132
Minnesota – Charlotte, 102-135
New Orleans – Chicago, 124-128
Orlando – Atlanta, 112-115
Dallas – Oklahoma, 87-78
Portland – Golden State, 108-106
Sacramento – Lakers, 123-120
