Mesfushori anglez Ruben Loftus-Cheek po ia kushton gjithçka ekipit të Milan edhe pse objektivat e tij janë të qarta. Ëndrra e madhe quhet Euro 2024 me fanellën e “Tre Luanëve”, por trajneri Gareth Southgate nuk ka gjasa ta marrë në konsideratë, siç e pranoi edhe vetë mesfushori kuqezi.

“Do të doja, por është e vështirë. Do të doja të kthehesha të luaja me Anglinë, por objektivi është të bësh mirë te Milani. Gjithashtu, sepse Anglia është vetëm pasojë e performancës në Milano”, tha anglezi.

Por situata është ndryshe në Itali dhe me trajnerët italianë: “Pioli më jep vazhdimisht komente, një mjet i rëndësishëm. Conte ishte fantastik dhe intensive. Kam kaluar një kohë të mirë me Sarri-Zolën. Për trajnerët italianë ju nuk jeni një produkt përfundimtar, por ata gjithmonë duan të të ndihmojnë të përmirësohesh, ata punojnë për ty”, tha Loftus Cheek.

Numri 8 i kuqezinjve foli për marrëdhënien me trajnerin e Milan, Stefano Pioli, i cili po e ndihmon në përshtatjen e tij në Itali dhe Serie A: “Pioli vazhdimisht më jep komente, edhe përmes videos. Anglishtja e tij po përmirësohet dita-ditës! Unë punoj me trajnerin dhe stafin e tij në analizën e lojës sime, mendoj se ky mjet është i rëndësishëm në futbollin e sotëm. Të shikosh ndeshjet, të shohësh se ku dhe si të përmirësohet”.

Në fund, Loftus Cheek flet edhe për Zlatan Ibrahimovic: “Ibra ka qenë një ndihmë e madhe që kur erdhi në këtë rol. Ai është gjithmonë jashtë dhomës së zhveshjes, duke pritur që ne të kalojmë, për të na inkurajuar. Ai flet me të gjithë në fushë, ai është një person dhe lider fantastik. Na inkurajon të jepim më të mirën”.