Trajneri i Arsenalit, Mikel Arteta ka konfirmuar se Topçinjtë janë në bisedime për të shitur Emile Smith Rowe.
Mesfushori 23-vjeçar nuk luajti në miqësoren para-sezonale kundër Bournemouth të enjten, më 25 korrik.
Ndeshja përfundoi 1-1 pas 90 minutave, por Topçinjtë fituan 5-4 me penallti. Smith Rowe u la në stol nga Arteta, edhe pse trajneri bëri 10 ndryshime.
Ndërsa shpjegoi pse Smith Rowe nuk luajti, Arteta pranoi se lojtari ishte duke u larguar nga klubi. Në konferencën e tij për shtyp pas ndeshjes, trajneri i Arsenalit tha:
“Ka gjëra që ndodhin në prapaskenë, kështu që ne menduam se ishte më mirë të mos e aktivizonim atë”.
Siç raportohet nga Metro, Arsenali është afër një marrëveshjeje prej 35 milionë sterlinash me Fulhamin.
