Fillimisht mbërriti lajmi nga Anglia, më pas postimi që nisi numërimin mbrapsht dhe në fund shënimi i lojtarit, në pritje të komunikimit zyrtar nga gjykata (CAS i Lozanës), i planifikuar për fillimin e javës së ardhshme.
Paul Pogba do të kthehet në fushë më herët se 4 vitet e parashikuara fillimisht nga pezullimi që iu shqiptua, pasi doli pozitiv për testosterone në një test antidoping në gusht 2023. I pezulluar nga TNA më 11 shtator 2023, lojtari u dënua me 4 vite skualifikim më 1 mars 2024.
Është e vështirë në këtë moment të parashikohet se kur mund të rikthehet në fushë për ndeshjen e parë zyrtare, por sigurisht që do donte ta fillonte stërvitjen nën drejtimin e Thiago Motta, gjë e cila është e ndaluar për të skualifikuarit për doping.
Nuk ka vonuar dhe Pogba ka thyer heshjten, pas këtij lajmi vërtet shumë të mirë, që eviton mbylljen e karrierës: “Më në fund makthi mbaroi. Pas vendimit të Gjykatës së Arbitrazhit Sportiv, mezi pres ditën kur të mund të ndjek përsëri ëndrrat e mia.
Gjithmonë kam thënë se nuk kam shkelur kurrë me vetëdije rregullat e dopingut kur mora një suplement ushqimor, të përshkruar nga një mjek, i cili nuk ndikon apo përmirëson performancën e sportistëve.
Megjithëse duhet të pranoj se ky është një krim me përgjegjësi të rënda, dua të shpreh falënderimet e mia për gjyqtarin sportiv që dëgjoi shpjegimet e mia. Kjo ka qenë një kohë jashtëzakonisht shqetësuese në jetën time, pasi gjithçka për të cilën kam punuar aq shumë është lënë në pritje për t’u kthyer në fushë”.
