Nico Williams preferon një transferim te Real Madrid nëse largohet nga Athletic Bilbao, sipas Real Madrid Confidencial.

Sulmuesi spanjoll ishte një objektiv i Barcelonës këtë verë, por ata nuk arritën ta bindin atë të lëvizte.

Williams ka shkëlqyer me Athletic Bilbao sezonin e kaluar, duke i ndihmuar ata të fitojnë Copa del Rey.

Ai ishte gjithashtu kyç në triumfin e Spanjës në Euro 2024 gjatë verës dhe pëlqehet nga shumë klube të mëdha europiane.

Paris Saint-Germain, Chelsea, Liverpool dhe Tottenham po e shikojnë gjithashtu me interes 22-vjeçarin.

Parisienët me sa duket janë të gatshëm të aktivizojnë klauzolën e lirimit të lojtarit prej 60 milionë euro, gjë që mund t’i komplikojë më tej gjërat për katalanasit.

Megjithatë, Barcelona do të lehtësohet nga fakti se Real Madrid nuk po kërkon aktivisht të nënshkruajë me Williams. Ndërkohë, katalanasit mbeten të vendosur për ta marrë lojtarin në 2025-ën.

Përveç klubeve të lartpërmendura, ata mund të përballen edhe me konkurrencë nga Bayern Munich për nënshkrimin e tij.