Premtimi i Mandzukic: Milan, do të luftoj për fanelën! Mos kini merak, jam super në formë. Me kafshën Ibra…

19 Janar 2021
22:15
Telesport

I intervistuar nga kanali zyrtar i Milanit, Mario Mandzukic foli për ditën e tij të parë si lojtar kuqezi dhe premtoi se ndihet në superformë.

“Ka disa arsye pse zgjodha Milanin. Njëra është sepse Milani është një klub historik dhe plotëson plotësisht ambiciet e mia.

Ne të gjithë e dimë se çfarë përfaqëson Milani. Kohët e fundit kam punuar shumë për të merituar thirrjen e një klubi të rëndësishëm si Milani”.

Pse është gati: “Unë jam gjithmonë i gatshëm dhe në periudhën e fundit jam stërvitur shumë. Ata që janë pranë meje e dinë se sa i përkushtuar jam që të kthehem të luaj në një klub të shkëlqyeshëm dhe të luftoj për trofe. Kështu që te Milani nuk duhet të shqetësohen”.

Për Kjaer: “Unë jam i lumtur që Simon është këtu. Unë e njoh atë nga Ëolfsburg, kemi arritur atje së bashku. Kemi kaluar mirë, ai është një djalë i mirë dhe unë jam i lumtur që e kam përsëri shok ekipi. Me paraqitjet e tij ai provoi të ishte një shtyllë e mbrojtjes së ekipit të Milanit”.

Për Rebic: “Unë jam i lumtur që ai është gjithashtu te Milani. i telefonova dy ditë më parë, një telefonatë të shpejtë. i thashë se do të bashkohesha me Milanin”.

Për Ibrahimovic: “Zlatan e kam ndjekur që kur isha shumë i ri. Jam i lumtur që luaj në të njëjtën skuadër. Të dy jemi të uritur për fitore.

Ai është ende një kafshë e vërtetë, dhe unë do të përpiqem të jem i njëjti. Mendoj se do të bëjmë shumë mirë së bashku”.

Për ambiciet: “Një klub si Milani gjithmonë ka qëllime dhe ambicie të mëdha. Unë jam mësuar me këto presione dhe kjo nuk më shkakton probleme, prandaj ne luajmë futboll. Tani jam këtu dhe do të jap gjithçka për të mirën e Milanit”

Për Milanin në krye: “Milani është një klub i veçantë. Thjesht thuaj Milan dhe të gjithë e dinë se për çfarë po flasim. Historia e Milanit është e pabesueshme, kampionë të mëdhenj luanin atje.

Jo vetëm unë, e gjithë bota është e hipnotizuar nga Milani: mezi pres të filloj”.

Një mesazh për tifozët: “Unë gjithmonë u kam thënë të njëjtën gjë tifozëve: do të jap më të mirën time. Unë do të përpiqem të mbroj ngjyrat e Milanit në çdo ndeshje. Unë mund t’ju siguroj 100%”.

 

Lajme të tjera

Lajmet e fundit