Presidenti francez Emmanuel Macron po përpiqet t’i bëjë presion Real Madridit që të lirojë Kylian Mbappe për Lojërat Olimpike të Parisit. Mbappe do t’i bashkohet Los Blancos këtë verë si lojtar i lirë , dhe kjo pothuajse është konfirmuar nga burime të shumta tashmë.

Duket se i njëjti është rasti në mendjen e Macron, pasi ai ka pranuar se do të përpiqet dhe do t’i kërkojë ‘të ashtuquajturit klubi i tij i ardhshëm’ të lirojë superyllin francez për Olimpiadën e Parisit që do të përkojë me kampin parasezonal të Real Madridit.

Duke folur për shtypin, presidenti francez :”A do të luajë Mbappe me Francën në Lojërat Olimpike? Shpresoj. Në çdo rast, kam bërë presionin maksimal mbi të ashtuquajturin klubin e tij të ardhshëm”.

Siç është raportuar më herët, Real Madrid tashmë ka informuar Federatën Franceze të Futbollit se ata nuk do të lirojnë lojtarët e tyre për Olimpiadën, pasi duan t’i kenë gati përpara fillimit të sezonit.

Mbetet deri tani e pamundur që Mbappe të luajë në Lojërat Olimpike të Parisit këtë verë, me Real Madridin që kërkon të qëndrojë i palëkundur në qëndrimin e tyre. FIFA nuk e njeh Olimpiadën si një turne zyrtar dhe për rrjedhojë, Real Madridi nuk është i detyruar të lejojë Mbappe të bashkohet me ekipin kombëtar.