Simone Inzaghi nuk ka gjetur ende një titullar të rregullt në krahun e majtë pas kalimit të Ivan Perisic në Tottenham dhe zikalterit duket se i mungon shumë kroati, shkruan Lorenzo Bettoni.
Perisic ishte një nga lojtarët më të spikatur në Stadio Meazza sezonin e kaluar kur Nerazzurri nuk arriti të ruante titullin e Serie A, por fitoi Kupën e Italisë dhe Superkupën në kurriz të rivalëve të tyre Juventus.
Perisic shënoi një dygolësh në finalen e Coppa Italia kundër bardhezinjve në maj, ndeshja e tij e parafundit me zikalterit. Ai iu bashkua Tottenhamit të Antonio Conte-s në fund të kontratës së tij me gjigantët e Serie A, duke i akuzuar ata se iu deshën shumë kohë për të hapur negociatat për një marrëveshje të re.
33-vjeçari tashmë ka kontribuar në tre asistime në shtatë paraqitje në të gjitha garat në Londrën Veriore, tre më shumë se sa kanë kombinuar Federico Dimarco dhe Robin Gosens deri më tani.
Inzaghi i alternon në krahun e majtë, por italiani dhe gjermani kanë ofruar paraqitje të dobët deri më tani. Ata nuk kanë qenë në gjendje të kontribuojnë në asnjë gol në gjashtë paraqitje secila dhe Inzaghi nuk ka zgjedhur ende një titullar përfundimtar të rregullt në të majtë pas largimit të Perisic.
Gosens iu bashkua Interit në formë huazimi me një opsion për të blerë në janar, por nuk ka arritur të përsërisë paraqitjet e tij në Atalanta që e panë atë të bëhet një nga mbrojtësit më produktiv dhe më efektiv në Serie A në vitet e fundit.
Reprezentuesi gjerman ishte duke u rikuperuar nga një dëmtim në ijë në muajt e tij të parë në Inter dhe tani po “duke marrë formë” dhe “përmirësohet” siç tha Simone Inzaghi në fund të gushtit kur gjermani ishte i lidhur me një lëvizje te Bayer Leverkusen. Interi humbi tre nga katër ndeshjet e fundit në të gjitha garat dhe do të presë Torinon në San Siro nesër.
