Manchester City ka rënë dakord për një marrëveshje për të shitur Julian Alvarez te Atletico Madrid, por ka ende pak punë për të bërë që lëvizja të finalizohet. Atletico dhe City arritën një marrëveshje për transferimin e sulmuesit argjentinas për një tarifë prej 82 milionë sterlinash bashke me bonuse (ne fakt jane 75 mln euro fikse dhe 20 mln euro bonuse nese verifikohen disa situata si fitimi i La Ligas nga Atletico, fitimi i Champions por edhe rendimenti personal i lojtarit).
Atletico është futur direkt ne gare per amerikano-jugorin, pasi mësoi se ai ishte i hapur drejt mundesise për t’u larguar për të marrë minuta dhe per te qene ne qender te projektit si titullar i rregullt. Alvarez kishte humbur rëndësinë në gjysmën e dytë të sezonit të kaluar pas rikthimit të Kevin De Bruyne dhe Erling Haaland.
Gjithçka është rregulluar mes dy klubeve. Por ka pasur një zhvillim interesant në momentet e fundit dhe duket se në fakt ka ende pak punë për të bërë që kjo marreveshje totale te arrihet dhe qe te Alvarez te shkoje per vizitat mjekesore ne Madrid.
Është raportuar mbrëmjen e sotme nga gazetari Ben Jacobs se aktualisht nuk ka asnjë marrëveshje mes Alvarez dhe Atletico Madrid për kushtet personale. Lojtari sigurisht që dëshiron lëvizjen.
Por për momentin, ka një mosmarrëveshje për pagën bazë dhe gjithashtu kohëzgjatjen e kontratës. Jacobs tha në X: “Alvarez ende nuk ka rënë dakord për kushtet personale me Atletico Madrid. Mosmarrëveshje për pagën bazë dhe kohëzgjatjen e kontratës.
“Atleti po punon për të provuar dhe zgjidhur, por kushtet personale ende duhet të finalizohen dhe kjo vonon marrëveshjet për Conor Gallagher dhe Samu Omorodion, duke qene se jane operacione te lidhura pasi Atletico duhet te marre Alvarez qe te shese Omorodion te Chelsea dhe te bleje Gallager gjithashtu nga Chelsea.
Më parë ishte sugjeruar se Alvarez ishte në linjë për të nënshkruar një kontratë pesëvjeçare me Atleti, të cilët me sa duket i kanë thënë lojtarit se synojnë ta bëjnë atë fytyrën e re të klubit të tyre.
Lojtari është i vendosur për të bërë lëvizjen pasi është lodhur nga roli i tij te Man City, kështu që ju mund të imagjinoni se mosmarrëveshja do të zgjidhet së shpejti. Megjithatë, nëse kjo në fakt shembet kundër gjasave, atëherë City ndoshta mund të shikojë në drejtimin e Paris Saint-Germain, qe gjithashtu ka bere oferte dhe mund te barazoje ate te Atletico Madrid. Ne fakt, rroga per Alvarez te PSG do te ishte me e madhe se te Atletico Madrid.
