Paris Saint-Germaini ka shënuar fitore me rezultat 3-0 ndaj Toulouse në kuadër të javës së 12-të në Ligue 1. Kërcënimi i parë serioz nga PSG-ja erdhi në minutën e 22-të përmes Warren Zaire-Emery, por gjuajtja e tij u ndal nga portieri Restes. Goli i fitores për kampionin francez erdhi në minutën e 35-të me anë të Joao Neves i cili realizoi një gol të bukur për 1-0.
PSG-ja në fakt e shënoi edhe një gol tjetër në pjesën e dytë i cili u anulua për pozicion jashtë loje. Ishte Marcos Asensio ai i cili në minutën e 55-të mendoi se kishte shënuar për 2-0, por VAR-i e anuloi atë për pozicion jashtë loje.
Rasti i vetëm në këtë ndeshje për mysafirët erdhi në minutën e 72-të me anë të Shavy Babicka i cili për fat të mirë të parisienëve gjuajti mbi portë. Për të shuar përfundimisht dilemën për fituesin e këtij takimi u përkujdes Lucas Beraldo i cili shënoi për 2-0 në minutën e 84-të.
Deri në fishkëllimën e fundit PSG-ja shënoi edhe një herë tjetër, këtë herë me Vitinhan që realizoi për 3-0. Me këtë fitore PSG-ja shkon në kuotën e 32 pikëve, gjashtë më shumë se Monaco në vendin e dytë me 26 pike.
