Paris Saint-Germain është i gatshëm të paguajë 140 milionë euro për të nënshkruar yllin e Arsenalit, Bukayo Saka, si zëvendësues të Kylian Mbappe, sipas një raporti të ri.

Gjigantët francezë tashmë po përgatiten për jetën pa Mbappe, i cili do të largohet nga klubi në fund të kontratës së tij këtë verë.

Muajin e kaluar, ai u pa në një takim me presidentin francez Emmanuel Macron, megjithëse u raportua se çdo përpjekje për të bindur kapitenin e Francës të qëndronte në PSG nuk ishte në rendin e ditës.

Mbappe ka qenë shumë i lidhur me një kalim te Real Madrid me kosto zero, megjithëse nuk ka pasur asnjë konfirmim nga asnjëra palë se një marrëveshje është arritur.

Sipas gazetës spanjolle Marca, 24-vjeçari ka folur rregullisht me dy ish-lojtarë të Realit – legjendën e Los Blancos Sergio Ramos dhe shokun e tij aktual të skuadrës te PSG, Achraf Hakimi – për jetën e tij të mundshme në Madrid nëse ai nënshkruan për klubin.

PSG ka filluar të ndjekë një politikë transferimi që synon të marrë talente franceze, me Ousmane Dembele, Randal Kolo Muani dhe Nordi Mukiele që të gjithë shkuan në Parc des Princes verën e kaluar.

Lojtarë të tjerë të rinj vendas si Warren Zaire-Emery dhe Bradley Barcola po luajnë gjithashtu role kyçe në skuadër.

Megjithatë, PSG-ja është ende në kërkim të talenteve europiane – dhe ka vendosur për yllin e Arsenalit, Saka si objektivin e tyre kryesor për të zëvendësuar Mbappe.

Sipas spanjolles Fichajes, të cilët pretendojnë se Saka është në krye të listës së tyre për verën.

Shtohet se PSG-ja është e gatshme të bëjë një ofertë prej të paktën 140 milionë eurosh – e cila do ta bënte 22-vjeçarin shitjen rekord të Arsenalit.

Raporti gjithashtu thekson se Arsenali, natyrisht, do të ishte ‘ngurrues’ për të shitur Sakas, veçanërisht pasi kjo do të thotë që skuadra e Mikel Artetas do të duhet të sigurojë një zëvendësues efektiv në merkaton e verës.