PSG dështoi edhe një herë në Ligën e Kampionëve, në një ndeshje që duhej të riniste ambiciet e skuadrës së Luis Enrique. Ndaj Bayernit, në Mynih, erdhi një disfatë që dhemb më shumë, sepse erdhi nga një gabim i Safonov, portierit rus, preferuar titullar para Donnarumma.
Por, duke iu përmbajtur portierëve në fushë, Manuel Neuer gjithashtu doli në qendër të skenës dhe e përfundoi performancën e tij me statistika, që nxirrnin në pah madhësinë e makthit të Ligës së Kampionëve për parizienët. Ai bëri më shumë driblime fituese sesa Barcola dhe Dembélé së bashku.
Manuel Peter Neuer, The Goatkeeper.🐐😎🤟 pic.twitter.com/GpHLxkjH7Y
— 𝕯𝖎𝖊 𝕽𝖔𝖙𝖊𝖓🤟 (@FCBRebel01) November 26, 2024
Një shfaqje që pothuajse është bërë “meme” në mediat sociale, duke vërtetuar paaftësinë kronike të PSG-së për të performuar më të mirën e saj në Evropë. Neuer, kapiteni i Bayern Munich, e hidhëroi më tej disfatën e parizienëve kur, pas presionit të Dembélé në zonën e tij të penalltisë, bëri një driblim perfekt. Momenti, pak pas gjysmë ore lojë, kur rezultati ishte ende 0-0, më vonë u bë simboli i fillimit të fundit për PSG-në në Mynih.
Ajo që bëri Neuer, i cili në minutën e 90-të e gjeti veten pothuajse të papunë, me PSG-në në gjendje të gjuante mes shtyllave të tij vetëm tri herë, i lejoi portierit të Bayernit të kishte statistika më të mira, pikërisht për sa i përket driblimit të suksesshëm, nga Dembélé.
Ky e përfundoi ndeshjen e tij në minutën e 57-të për shkak të kartonit të dytë të verdhë. Portieri veteran bavarez superoi edhe një kampion tjetër parizien, që zhgënjeu në të gjitha frontet, Barcola. Ndërkombëtari francez dështoi keq dhe u zëvendësua i dëshpëruar nga Luis Enrique në minutën e 72-të, me zero goditje në portën kundërshtare.
Për PSG-në tani gjithçka po komplikohet, me kampionët e Francës që rrezikojnë përjashtimin e bujshëm edhe nga 24 skuadrat që aspirojnë 1/8 finale të Ligës së Kampionëve. Gabimi i Safonov, të cilin Luis Enrique e preferoi zyrtarisht si titullar duke refuzuar Donnarumma, ishte vendimtar për golin e ndeshjes së ish-lojtarit të Napolit, Kim, në minutën e 38-të.
Më pas, përjashtimi i Dembélé me karton të kuq e komplikoi pjesën tjetër të ndeshjes, e cila pa Bayernin të fitonte dhe të ngjitet në 9 pikë, pikërisht në zonën e “play off”-it. PSG fundoset me vetëm një fitore në 5 ndeshje dhe 3 humbje, me golaverazhin negativ -3.
Tani për parizienët mbeten të luhen tri ndeshjet e fundit në grup: dy ndeshjet jashtë fushe (Salzburg dhe Shtutgart) dhe ajo kundër City në shtëpi. Kualifikimi për ta tashmë është kthyer në një ndërmarrje titanike.
