Paris Saint-Germain thuhet se i është bashkuar Arsenalit dhe Manchester United në garën për të nënshkruar mesfushorin e Benfica-s, Joao Neves. Megjithatë, ai nuk është opsioni i vetëm në listën e tyre, pavarësisht një interesi të fortë.
Neves, 19 vjeç, është një produkt i akademisë së Benfica-s dhe bëri përshtypje me paraqitjet e tij sezonin e kaluar.
Mesfushori mbrojtës luajti 55 ndeshje në të gjitha kompeticionet dhe gjithashtu regjistroi tre gola dhe dy asiste. Paraqitjet e tij kanë zgjuar interesin e klubeve të mëdha të Europës.
Sipas ekspertit të merkatos Fabrizio Romano, PSG tani i është bashkuar listës së klubeve të interesuara për nënshkrimin e Neves së bashku me Arsenalin dhe Manchester United.
Parisienët panë Marco Verrattin të largohej verën e kaluar dhe edhe pse kanë Vitinha, ata do të donin të forconin më tej mesfushën e tyre.
Ndërkohë, Arsenali u nda me Mohamed Elneny këtë verë, ndërsa e ardhmja e Thomas Partey në klub është gjithashtu në dyshim.
Manchester United gjithashtu mund të ketë disa largime në mesfushë këtë verë me Casemiro të lidhur me një largim. Edhe Sofyan Ambrabat pritet të rikthehet te Fiorentina pas huazimit.
Prandaj, të tre klubet janë shumë të interesuar për nënshkrimin e Neves, por nuk do të ketë një çmim të lirë.
Lojtari ka kontratë me Benfica-n deri në vitin 2028 dhe skuadra portugeze këmbëngul që kushdo që dëshiron ta nënshkruajë duhet të paguajë klauzolën e tij të lirimit prej 120 milionë eurosh.
