E ardhmja e Adrien Rabiot është gjithnjë e më e largët nga Italia. Pas ndërprerjes së negociatave për rinovimin e kontratës me Juventus, që skadoi më 30 qershor, mesfushori është vërdallë në kërkim të një ekipi të ri.
Natyrisht që ofertat për të nuk mungojnë, madje nga të gjitha ligat kryesore në Europë. Rabiot nuk po përjashton asnjë perspektivë edhe pse ai preferon një klub që do ta lejonte atë të luante në Champions League sezonin tjetër.
Për Rabiot ka lëvizje në Madrid, me një derbi mes dy ekipeve. Reali ka trajnerin Ancelotti që e njeh mirë nga koha e PSG dhe ishte ai që e hodhi i pari në fushë që 20 vjeç. Ndërsa tek Atletico është Simeone, që e vlerëson shumë.
Dy skuadrat madrilène kanë kohë që kanë shfaqur interes për mesfushorin francez, që do të transferohej me koston zero. Tashmë varet nga lojtari se ku do të gjente më shumë hapësira për të luajtur në të ardhmen.
Pastaj është Premier League e zakonshme, ku Manchester United ka lëvizur në veçanti. “Djajtë e Kuq” kanë problemin se nuk do të luajnë Champions League. Liverpool mund të kishte më shumë shanse për ta marrë Rabiot, por nuk po ndihen shumë.
