Tenisti spanjoll Rafael Nadal ka deklaruar sot se nuk do të marë pjesë në grand slam e US Open (26 gusht-8 shtator). Vendimi është marrë një javë pas eliminimit të tij nga Lojërat Olimpike “Paris 2024”.
Nadal ka konfirmuar se do të marrë pjesë në turneon “shoë” të Laver Cup, në fund të shtatorit, por jo në US Open. Spanjolli është 4 herë fitues i këtij turneu, më i fundit në vitin 2019 dhe që nga ai vit ka marrë pjesë vetëm një herë.
“Përshëndetje të gjithëve. Ju shkruaj sot për t’ju bërë të ditur se kam vendosur të mos konkurroj në US Open të këtij viti, një vend ku kam kujtime të mrekullueshme,” shkroi Nadal në rrjetet sociale.
“Do të më mungojnë ato seanca elektrike dhe ato ndeshje speciale të natës në Nju Jork, në Ashe. Nuk mendoj se do të mund të jap 100% këtë herë. Faleminderit të gjithë fansave të mi në SHBA”, tha më tej spanjolli.
“Do t’ju mungoj të gjithëve dhe do t’ju shoh një herë tjetër. Fat të mirë për të gjithë për US Open, gjithmonë një turne i mahnitshëm! Eventi im i radhës do të jetë Laver Cup në Berlin“, tha Nadal.
