Qendërmbrojtësi i Bournemouth, Dean Huijsen thuhet se është një nga objektivat e Real Madridit për të përforcuar repartin e mbrojtjes.

Mbrojtësi i lindur në Amsterdam iu bashkua skuadrës së Premier League nga Juventus në vitin 2024 për rreth 15.20 milionë euro.

Aktualisht, Real Madridi është i rënduar nga disa dëmtime në mbrojtje.

Lojtarë si Eder Militao dhe David Alaba janë jashtë me dëmtime afatgjata, ndërsa qendërmbrojtësit e tjerë nuk kanë qenë në maksimumin e tyre këtë sezon.

Sipas Diario AS, Dean Huijsen është shfaqur si një nga objektivat e Los Blancos për merkaton e ardhshme.

Problemet e mbrojtjes së Real Madridit i kanë kushtuar shtrenjtë klubit, veçanërisht në Champions League.

Skuadra e Carlo Ancelottit ka humbur ndaj Lille, Milan dhe Liverpool dhe aktualisht është në vendin e 20-të në renditje me vetëm nëntë pikë nga 18 të mundshme.

Dean Huijsen thuhet se ka refuzuar klube të mëdha si Barcelona dhe Bayern Munich në të kaluarën.