Kanë mbetur edhe pak javë para hapjes zyrtare të merkatos së verës dhe ‘bombat’ e para kanë mbërritur.
Karim Benzema do të shkojë në Arabinë Saudite, për kontratën e fundit shumë të pasur të karrierës së tij. Lamtumira me Real Madridin pas 14 sezonesh do të lërë një boshllëk të madh në sulmin e ‘Merengues’.
Po kush do të merret në vend të Benzema? Kampionati që rrezikon të humbasë një nga yjet e saj më të ndritur është Seria A. Dy klube në veçanti janë në rrezik të madh: Florentino Perez është gati të hidhet në sulm.
Emri i parë në listën e Real-it është ai i Victor Osimhen. Nigeriani udhëhoqi Napolin drejt titullit në Serinë A, 33 vjet pas Scudetto-s së fundit napolitanëve.
24-vjeçari nga Lagos ishte golashënuesi më i mirë i kampionatit, me 26 gola në Serinë A. Nëse i shtojmë Kupën e Italisë dhe Champions League, ish-lojtari i Lille madje arrin në 31 realizime, me 5 asiste fituese.
Vlerësimi i presidentit De Laurentiis për ata që duan sulmuesin e tij është 150-160 milionë euro, jo më pak. Profili tjetër i rëndësishëm që i pëlqen shumë Real Madridit nuk është askush tjetër veçse Lautaro Martinez.
‘Demi’ ka qenë protagonist i një sezoni të bujshëm, ku ishte vendimtar në fitoren e Argjentinës në Botëror dhe me Interin ka fituar pothuajse gjithçka. Vetëm Osimhen ka bërë më mirë se ai për sa i përket golave: 21 gola në kampionat, 28 duke përfshirë kupat me plot 11 asiste.
Me pak fjalë, Seria A rrezikon të humbasë një nga xhevahiret e saj dhe Real Madridi dëshiron vetëm më të mirët: nga Osimhen te Lautaro Martinez, Napoli dhe Interi mund të fillojnë të dridhen.
