Real Madridi ka vënë në shënjestër mbrojtësin e Arsenalit, Gabriel Magalhaes, sipas Fichajes.net.

Real Madridi është i mahnitur nga paraqitjet e tij dhe tashmë po planifikon ta marrë atë në Santiago Bernabeu.

Kampionët në fuqi të La Liga duan të përforcojnë mbrojtjen, një repart i goditur nga dëmtime të shumta.

Megjithatë, nuk do të jetë e lehtë që të bindet Arsenali. Lojtari ka një vlerë tregu prej 70 milionë euro, por Topçinjtë mund të kërkojnë një shumë mbi 100 milionë euro.

Edhe një ofertë kolosale mund të mos bëjë punë për Real Madridin.

Gabriel ka kontratë me Arsenalin deri në vitin 2027.