Real Madrid ka zgjedhur Xabi Alonson si zëvendësues të Carlo Ancelottit, sipas Fichajes.net.

Trajneri spanjoll ka transformuar Bayer Leverkusen që kur mori drejtimin e ekipit gjerman në tetor 2022.

Sezonin e kaluar, Alonso ndihmoi skuadrën e tij të fitonte Bundesliga-n si dhe Kupën e Gjermanisë.

Leverkusen arriti edhe në finalen e Europa League, ku u mund nga Atalanta.

Ishte humbja e parë dhe e vetme e ekipit në të gjithë sezonin 2023/24. Trajneri spanjoll ka fituar 77 nga 115 ndeshjet e tij në krye të skuadrës gjermane, duke regjistruar një raport fitoresh prej 66.96%.

Paraqitjet e tij me sa duket e kanë bindur Real Madridin, që po bën plane për një të ardhme pa Carlo Ancelotti-n.

Italiani ka arritur sukses të jashtëzakonshëm gjatë periudhës të tij të dytë me Los Blancos dhe së fundmi u bë trajneri më i suksesshëm i klubit.

Real Madridi tani po përgatitet për të ardhmen dhe beson se Alonso është njeriu i duhur për t’i udhëhequr ata përpara.

Spanjolli kaloi pesë sezone si lojtar në Santiago Bernabeu dhe la një përshtypje shumë të mirë në klub.