Real Madrid po monitoron situatën e kontratës së mbrojtësit të djathtë të Liverpool, Trent Alexander-Arnold. Lajmin e konfirmoi sot gazetari ekspert i merkatos, Fabrizio Romano.
Marrëveshja aktuale e mbrojtësit të Anglisë me “reds” skadon në qershor 2025 dhe, për momentin, mësohet se nuk ka bisedime mes palëve për një marrëveshje të re. Kjo situatë e paqartë duket se ka shytrë “los blancos” të interesohen për 25-vjecarin.
Gjithsesui, Liverpool nuk ka treguar ndonjë dëshirë për të shitur lojtarin e saj, ndërkohë që edhe vetë Alexander-Arnold nuk ka shprehur dëshirën për t’u larguar. Gjatë gjithë karrierës së tij ai ka veshur vetëm fanellën e “reds”.
Alexander-Arnold kushton rreth 70 milionë euro dhe në 302 ndeshje me Liverpool ka realizuar 18 gola. Lojtari konsiderohet i paprekshëm për skuadrën e Klopp, por me largimin e tij dhe një vit nga mbyllja e kontratës situata mund të ndryshojë.
🚨⚪️ Real Madrid are monitoring Trent Alexander-Arnold's contract situation at Liverpool.
Current deal expires in June '25 with no talks underway as of now.
Liverpool have not indicated any desire to sell at this stage.
There's no indication of player's views so far. pic.twitter.com/2rCywx2yjH
— Fabrizio Romano (@FabrizioRomano) March 22, 2024