Luka Jovic po kalon një sezon katastrofik te skuadra e Real Madridit. U mendua se sulmuesi i blerë në verën e 2019 do të ishte një zëvendësues i denjë i Karim Benzemasë, por nuk ka ndodhur kështu. Serbi është në merkato dhe “Los Blancos” duan ta shesin.
Daily Star shkruan se Chelsea dhe Leicester janë të interesuara për shërbimet e tij. Madrilenët duan ta heqin qafe dhe për 35 milionë euro nga skuadra, pasi nuk e shohin si pjesë të planeve të tyre.
Anglezët nuk janë të vetmet që e duan, pasi Milani nga krahu tjetër ka hedhur grepat te sulmuesi. Kuqezinjtë e shohin si zëvendësuesin e duhur për Zlatan Ibrahimovicin. Suedezi pritet të largohet në fund të këtij edicioni futbollistik dhe italianët mund të shohin te Jovic emrin e duhur për ta zëvendësuar.
