Bayern zyrtarizoi së fundmi rinovimin me trajnerin Hansi Flick, i cili firmosi deri në verën e vitit 2023. Ky lajm ka gëzuar pa masë edhe Interin, që tashmë ka edhe më shumë shanse të afrojë në ekip Correntin Tolisso.
Francezi është i pakënaqur te bavarezët, pasi ka pasur shumë pak hapësira. Trajneri Flick nuk e ka në planet e tij kështu që largimi është i vetmi opsion.
Sipas mediave në Itali, Marotta është gati të përfitojë nga situata dhe të transferojë kampionin e Botës në “San Siro”. Një goditje si Tolisso do të ishte vërtet e madhe për zikaltrit.