Lamine Yamal është fenomeni i vitit 2024. Pas performancave në Kampionatin Europian, bota e futbollit është bindur edhe më shumë se ai mund të jetë pasuesi i Leo Messit.
Sulmuesi anësor firmosi kontratën e tij të fundit me Barcelonën më 2 tetor 2023, duke e mbajtur atë në klub deri në verën e vitit 2026. Barcelona tashmë synon të rinovojë me spanjollin.
Paga neto vjetore e tij aktualisht është 1 mln euro, shumë pak për një lojtar të kalibrit botëror. Me kontratën e re, kur të bëhet maxhoren, paga e tij pritet të jetë 3 mln euro.
Klauzola e Yamal është 1 miliard euro. Kjo shifër do të mbetet e njëjtë. Ndryshimi do të jetë kohëzgjatja e kontratës, e cila do të jetë e vlefshme deri në vitin 2030.
