Gjatë karrierës së tij prej dy dekadash, nga te cilat 12 vite i kaloi te Manchester United, Rio Ferdinand ishte i njohur si një nga mbrojtësit më të mirë, agresiv dhe te forte në botë. Ai fitoi gjashtë herë Ligën Premier, në vitin 2008 Ligën e Kampionëve dhe bëri 81 paraqitje për kombëtaren angleze.
Ai luajti 692 ndeshje për klube, duke përfshirë 504 për Manchester United, dhe provoi dorën e tij kundër shumicës së sulmuesve më të mirë në botë. Në një intervistë për podcastin Broadtalks, ai veçoi katër lojtarë kundër të cilëve nuk i pëlqente veçanërisht të luante.
Ai fillimisht përmendi Raulin, yllin e vjetër të Real Madridit. “Mënyra se si lëvizte, hynte në hapësirë, pozicionet që mori…” Në mënyrë shumë të ngjashme ai e përshkroi holandezin Dennis Bergkamp, me të cilin pati beteja të mëdha në ndeshjet kundër Arsenalit” “Ai ishte i njëjti. Ata të dy shkojnë thellë dhe si lojtar i ri më pëlqente të ikja jashtë dhe kjo la një hapësirë të madhe pas meje”.
Më pas ishte radha e Ronaldos. Braziliani, Nazario da Lima, i cili la me ankthe shumicën e mbrojtësve që u përball, edhe pas operacioneve të shumta në të dy gjunjët. “Ai më bëri të ditur se ka një nivel edhe më të lartë. Gjëja më e çmendur nga të gjitha është se ai bëri katër operacione në gju para ndeshjes së parë kundër meje. Unë as nuk guxoj të mendoj se çfarë do të bënte me mua nëse do të ishte plotësisht ai ishte një marsian, ai ishte ndryshe”, përfundoi Ferdinand.
Në fund, ai la një lojtar që nuk ishte një yll në shkallë globale, sepse ditët më mbresëlënëse të karrierës së tij i kaloi në Bolton, por ai ishte një kërcënim për të gjitha mbrojtjet e Ligës Premier për vite me radhë. Bëhet fjalë për Kevin Davies.
“Ishte e vështirë të luash kundër tij. Para se topi të të afrohet, ai tashmë po të mban dhe po të gërvisht. Ishte e tmerrshme të luash kundër tij, vërtet e keqe, ai do të të bënte një pasdite të vështirë”, deklaroi Ferdinand për Davies, i cili për Bolton luajti nga viti 2003 deri në 2013 dhe shënoi 84 gola në 407 paraqitje.
