Mesfushori i Spanjës, Rodri, shprehet se kombëtarja e vendit të tij është gati për gjysmëfinalen e sotme të Euro 2024 ndaj Francës. Ai foli sot për mediat spanjolle, duke inkurajuar djemtë e rinj.

“Franca është skuadra më e mirë në nivelin ndërkombëtar. Të paktën është një nga dy më të mirat. Vitet e fundit ata kanë treguar talentin e tyre. Ata kanë fizikun që ne njohim”, tha mesfushori spanjoll i Manchester City.

Më tej, duke folur për rivalët franceze, Rodri shtoi: “Ata mund të kthehen e mbrojnë mirë. Janë të mirë me topin, kanë shumë talent. Gjithsesi, ne nuk kemi frikë”.

“Spanja ka ardhur në këtë turne, në gjysmëfinale për të fituar turneun. Ne jemi mjaft të përulur për të ditur se çfarë duhet të bëjmë kundër këtyre kundërshtarëve dhe këtë do të bëjmë”, tha Rodri, një nga shtyllat e Spanjës.

Në fund, mesfushori kujton historinë: “Europiani i  vitit 2008 ishte turneu i parë që e pashë mirë. Mbaj mend që isha tifoz dhe doja shumë që Spanja të fitonte. Më pas fituan Kupën e Botës dhe një tjetër kampionat europian. Ne duam të bëjmë të njëjtën gjë”.

“Kemi mjaft lojtarë për të dalë në fushë dhe për të bërë një punë të shkëlqyer. Trajneri do të vendosë. Siç e keni parë gjatë gjithë turneut, ka pasur shumë lojtarë që kanë ardhur në ekipin tonë dhe kanë qenë të rëndësishëm. Në çerekfinale ndaj Gjermanisë Mikel Merino dhe Dani Olmo nuk ishin nga fillimi, por ishin vendimtarë për ne”, tha Rodri.

“Ndaj Francës kemi mungesa të rëndësishme, por kjo do të thotë se djemtë që do të hyjnë në fushë do të bëjnë edhe më shumë, do të vrapojnë më shumë. Është ajo që është. Ne kemi shumë besim”, tha mesfushori spanjoll.

“Ne jemi të dy ekipe të mira, nuk do të ketë shumë shanse të mëdha në ndeshje. Kështu që, ne duhet t’i kushtojmë vëmendje asaj që ata bëjnë dhe të përpiqemi të jemi efektivë në atë që bëjmë për të ndikuar tek ata”, u shpreh Rodri.