Xabi Alonso është padyshim trajneri më i spikatur i momentit në futboll. Por si u bë ai kaq drejtues i zoti në kaq pak kohë? “Duke marrë frymëzim nga të gjithë trajnerët që kam patur në karrierën time”, thotë Xabi Alonso.

Dhe ata janë vërtet teknikë të rëndësishëm: Nga Carlo Ancelotti te Pep Guardiola, nga José Mourinho te Rafa Benitez. Këta janë vetëm disa nga emrat që menaxheri aktual i Bayer Leverkusen ka pasur fatin t’i ketë gjatë karrierës së tij si futbollist.

I intervistuar nga “Movistar+”, Xabi Alonso shpjegoi se çfarë trashëgoi nga secili prej këtyre trajnerëve: “Kam mësuar shumë nga të gjithë trajnerët e mi dhe e transformova në personalitetin tim si trajner fillestar”.

“Rafa Benítez është futbolli, taktika: si të integrohesh, si të ndihmosh, çfarë të bësh. Pep Guardiola ju thotë: ‘Ne do të luajmë kështu dhe kështu do të ndodhë’. Në këtë nënvizoj forcën dhe inteligjencën komunikuese të Mourinhos”, tha më tej trajneri spanjoll.

Më tej, ai vazhdon: “Del Bosque më mësoi të shqetësohem për gjërat për të cilat duhet të shqetësohesh. Ancelotti shkëlqeu duke shprehur se çfarë është futbolli i bukur dhe çfarë duhej të bënim në fushën e lojës”.