Omar Marmoush është një nga lojtarët më të kërkuar në Europë. Askush nuk ka statistikat e tij në këtë sezon futbollistik në Gjermani.

Egjiptiani po shkëlqen tek Eintracht Frankfurt, aq sa ka fituar vëmendjen e klubeve si Liverpool dhe Bayern.

City dhe Chelsea gjithashtu kanë shfaqur interes për të, por deri tani gara ka qenë mes Bayern dhe Liverpool. “Nuk është sekret që Marmoush ka gjasa të transferohet te Liverpool”, ka thënë gazetari Marcel Reif.

“Atje mund të bëhet realisht pasardhës i bashkëpatriotit të tij. Do ishte skenari perfekt”, ka shtuar Reif. Duket se Bayern është i disavantazhuar.