Skuadra e re e Major League Soccer San Diego FC thuhet se po planifikon të nënshkruajë Mohamed Salah dhe Kevin De Bruyne verën e ardhshme.
San Diego FC është ekipi më i ri në MLS dhe do të zbresë në fushë nga sezoni 2025. Ata janë klubi më i shtrenjtë në historinë e MLS dhe duan të joshin emra të mëdhenj në sezonin e tyre të parë.
Sipas një raporti në TBR Football, nënshkrimi i Salah dhe De Bruyne me kosto zero është ndër objektivat kryesorë për skuadrën e re të MLS.
Biznesmeni britaniko-egjiptian Sir Mohamed Mansour, pronar i skuadrës MLS, thuhet se po kërkon që dyshja e Premier League t’i bashkohet skuadrës së tij verën e ardhshme.
Megjithatë, ata përballen me konkurrencë nga skuadrat e Saudi Pro League pasi dy lojtarët thuhet se kanë marrë disa oferta.
Cristiano Ronaldo thuhet se i ka kërkuar Al Nassr të marrë De Bruyne verën e ardhshme. Ai beson se ylli i Manchester Cityt mund t’i ndihmojë ata të ngushtojnë diferencën me Al Hilal dhe të fitojnë kampionatin.
Mohamed Salah ka qenë një objektiv i Al Ittihad, që ka parë t’i refuzohet një ofertë në vitin 2023. Yllit të Liverpool-it i është ofruar një rrogë të barabartë me Ronaldo-n dhe skuadra e Lindjes së Mesme është e prirë ta marrë atë.
Nga ana tjetër, Manchester City dhe Liverpool thuhet se nuk kanë hequr dorë nga rinovimi i kontratave të lojtarëve përkatës.
