Trajneri i Juventusit, Maurizio Sarri, i cili ka humbur finalen e Kupës së Italisë dhe Superkupës së Italisë në këtë sezon, është përballur me disa kritika, por thotë se nuk shqetësohet: “Sinqerisht, nuk i kushtoj shumë vëmendje kritikës. Gjithmonë përpiqem të përqendrohem vetëm në atë që mund të bëj. Unë nuk e di çfarë shkruajnë njerëzit në rrjetet sociale, sepse nuk jam në to dhe nuk do të jem kurrë në jetën time. Nëse flasim për realitetin jovirtual, unë marr vetëm mbështetje dhe dashuri nga njerëzit në rrugë”.

Sarri u pyet për mungesën e golave ​​të skuadrës së tij nga mesfusha, por nuk ka asnjë shqetësim për këtë megjithëse Ronaldo (7 gola) dhe Paulo Dybala (4 gola) kanë shënuar pjesën më të madhe të tyre në gjashtë ndeshjet e fundit: “Ne kemi shënuar 17 gola në 6 ndeshjet e fundit, ndaj nuk jam i shqetësuar për raportin tonë sulmues, sinqerisht. Të gjithë e dimë se në mesin e mesfushorëve tanë, Ramsey është potencialisht ai që mund të shënojë më shumë gola, duke marrë parasysh karakteristikat e tij individuale. Pastaj kemi dy lojtarë që po rriten shumë dhe në të ardhmen jam i sigurt se do të shënojnë më shumë, si Bentancur dhe Rabiot”.

Sarri pranoi gjithashtu se mungesa e Giorgio Chiellini për shkak dëmtimi ka qenë një nga “keqardhjet e mëdha” të këtij sezoni: “Mungesa e Chiellini është një nga keqardhjet e mëdha të këtij sezoni. Ai është një lojtar, që di të jetë tërheqës. Ëstë stërvitur me ekipin prej pesë ditësh. E shoh duke u rritur, dhe, në të ardhmen, do të japë një kontribut të madh për ne”.