A ka ndonjë sekret Jamal Musiala? Sipas trajnerit të tij, Vincent Kompany, po.

Mesfushori gjerman është bërë lojtar absolutisht i rëndësishëm në Allianz Arena, aq sa Bayern po tenton t’ia rinovojë kontratën duke e bërë lojtarin më të paguar në Gjermani.

Paga e Musialës do të jetë e lartë sa ajo e yjeve si Harry Kane (sot) dhe Robert Lewandowski (kur luante në Mynih). Bayern planifikon që skuadra të luajë pikërisht për të.

Trajneri Kompany mendon se Musiala ka përfituar shumë nga Thomas Muller. Sipas tij, ky është sekreti i djaloshit të artë të kombëtares gjermane.

“Nuk ka të bëjë gjithmonë pozicioni që ke në fushë, por një element tjetër. Rritja e Musialës ka të bëjë me Thomas Muller. Golat që Musiala po shënon në 16 metrat e fundit, sidomos kur e gjen pikërisht pranë portës me një takim, nuk janë gjëra që mësohen vetiu”.

“E mëson prej lojtarëve që ke përditë në stërvitje. Ja pse duhet Thomas. Ai e rrit Musialën”.