Dita e sotme e Euro 2024 do të mbyllet me ndeshjen Serbi-Angli.

Bëhet fjalë për një sfidë që ka vënë në alarm autoritetet gjermane, për shkak të rrezikut të përplasjes mes tifozëve.

Në Gelsenkirchen qeveria gjermane ka vendosur 1300 oficerë më shumë se zakonisht. Dhe ndaloi shitjen e alkoolit gjatë të dielës (rasti i vetëm i kufizimeve në të gjithë turneun, të paktën tani për tani).

Mund të pihet birrë, po, por jo alkoolike. Një zëdhënës i policisë lokale, madje ka deklaruar për The Sun: “Konsumoni kanabis, i cili ka qenë i ligjshëm në Gjermani që nga prilli, në vend që të deheni. Do të jeni më të qetë”.

Qyteti është militarizuar. Në mënyrë të veçantë, po monitorohen lëvizjet e 500 ultrasve serbë, nga grupet e Yllit të Kuq dhe Partizanit, të cilët me sa duket kanë shprehur qëllimin e tyre për të “shkuar dhe kërkuar anglezët” nëpërmjet internetit.

Dhe duke qenë se vetë huliganët nuk janë tradicionalisht të butë jashtë Anglisë, rreziku nuk duhet nënvlerësuar.