Me ardhjen e Endrick dhe Kylian Mbappé, reparti i sulmit të Real Madrid do të forcohet dhe shanset për të krijuar një hapësirë për Joselu do të jenë gjithnjë e më pak. Gjithnjë duke supozuar se Real ushtron opsionin për të blerë nga Espanyol.
I intervistuar nga “Onda Cero”, sulmuesi 34-vjeçar foli vetëm për aspektet pozitive të ardhjes së kampionit francez në kryeqytetin spanjoll: “Ai është një lojtar me dimensione të mëdha”, tha Joselu, qendërsulmuesi i vetëm aktiv i Realit në sezonin e sapopërfunduar.
“Ai mund të bëhet një lojtar ikonë për klubin. Real Madrid do të ketë zgjidhje më sulmuese. Sa më shumë lojtarë të kemi, aq më mirë. Do të ketë shumë ndeshje, gara, lëndime, nuk e dini kurrë se çfarë mund të ndodhë. Klubi dhe trajneri duan të jenë të sigurtë, kështu që është më mirë të kemi një listë të gjatë”, tha Joselu.
Joselu, edhe për shkak të mungesës së një sulmuesi të parë të vërtetë në skuadrën madrilene pas largimit të Karim Benzema, luajti 34 ndeshje në La Liga, duke shënuar 10 gola dhe 49 takime në total, me 17 gola të shënuar.
Spanjolli u dallua mbi të gjitha në Champions League në ndeshjen e dytë gjysmëfinale kundër Bayern Munich, gjatë së cilës shënoi dy gola në nëntë minuta. Golat vendimtarë, të cilët e çuan skuadrën e Ancelotti në finalen e Ëembley, të cilën Real e fitoi 2-0 ndaj Borussia Dortmund.
